|
28 ožu 2011 23:55:25
|
|
A je moj šjor,ka´bi to tako lako bilo,najprvo ko se sića iz skule omar ka´ je pa´ CharleMagne oliti
Veliki Karlo,stvorilo se Sveto rimsko carstvo i ondac je Papa posta ne samo crkveno vengo i
svitovni poglavar i to je potrajalo sve tamo doklen nisu razorili Rim i potirali Papu u forticu
San Anđelo,pa je posli i palo to carstvo i Europon su zavladale dinastije...
I zato sveti brak izmeju crikve i pulitike ni od jučer,poasti pa nijedan kraj se nije moga okrunit
brez blagoslova Pape...e...i to je bilo sve do reformacije i renesanse..pa i još poslin je crikva
bila i ostala najjača pulitička snaga u svitu(barenko onemu kršćanskon)...
Inšoma dela šoma,najviše je crikvu stajala pobuna u svojin redoviman pojavon protestantizma
ka´ je cila Europa bila u gverama,i najposlin u Novi svit je crikva jemala važnu ulogu od onega
pokrštavanja i privođenja "majci crikvi" neznabožaca i bezbožnika po cuilen svitu od Meksika
priko Afrike do Filipina..Širila se Božja rič,i oni Aztek i Inka postajali su Francisco i Juan,
u Afriku od Bantu i Zulu Kafera postali su Abrahami i Noje...sve do Polinezije di su Manu i Tiki
postali Kristofor i Adam...da ne govorin od Brazilu i cilin Karibima...
Dunkve,crikva je uvik bila i ostala uz pulitiku,jerbo je ona maxima uvik "palila"..
"Bogu-božje,Caru-carevo",narodu ča ostane..a narod je dobiva ono ča se ni moglo nikad kupit
niti cinit višje-dobru brigu za duhovni život na ovome i onome svitu..ključevi rajski vrata bili su
uvik u rukaman odabranih i posvećenih--judi o´ crikve....Toko je i danas,barenko ovod i u drugin
kršćanskin zemljama i nemore bit drugovačije,jerbo odavno je narod prisega crikvi i to se prinosilo
daje,sve do ovi dana,a biće i do "on ega dana"...ETo toko,ča ja znan,nemogu reć da znan puno,
jema ovod svita ča zna boje i već ´´, mene dosta i ovo,samo nerazumin oklen je svit pusti
doša do "matere crikve" prikoviše u zanji dvajeset godišć?,jerbo i za vrime "mraka " se išlo u
crikve i na mise i vinčanja i sprovode,nije se moglo reć(barenko ovod ča ja znan)da je obični
puk jema s otin veći problemi(bilo je doduše "pravovjernih" ča su jude gledali po temu -jesu
li u crikvi oli nisu)ništa za začudit se našen svitu di su uvik palile rodbinske i ostale veze i vezice!
Ča reć najposlin,mislin da dolazi vrime ka´će bit samo jedna vira u Svitu a to je Moć pinezi
i ko jema najviše šoldi vladat će sviton,ne triba nikakova posebna vira ni knjiga,samo sirova
moć pinezi koji "vrte svit"...a di je ona famozna Liza Minelli iz "Cabarea"..Money makes world
go Around"...u nas je ona stara:"Para vrti di burgija neće!"....
Eto toko svite..mislin da oni niki broj judi ča viruju nemore privarit ni sve blago ovega svita,jerbo
niko nikad nije ništa ponija sa sebon,tamo di su svi ka tek rojeni..obučeni samo sa svojin djelima...
Eto toko svite,zdravi i veseli bili...a mene je jako drag oti dobri i pošteni Don Ivan Cvitanović.
|
|
|
|
|
|
|